قصيده من قصائد الشاعر الرائع فهد المساعد
وهي بعنوان الناس
وارجوا ان تحوز على اعجابكم
ياصاحبـي لاتجـي وتقولـي قـالـوا
لو قلـت ماقلـت غيـر الله يجازيهـم
لاشفت بعـض الأوادم للـردى مالـوا
نفضتهـم مـن عيونـي قبـل اخليهـم
يكفينـي القـدر نلتـه يـوم مانـالـوا
الا .. او اقول مابغى اجيـب طاريهـم
ماقول غير انت لامن حطـوا وشالـوا
تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا
الا اني اسكت ,, واقول : الله يجازيهم
وسلاااااااااااااااامتكم
الثلاثاء أبريل 15, 2008 10:20 pm
